أرشيفالأخبار الرئيسية

انتحار الطالب “تمير” بعد تعرضه للتنمر من ابناء صفه

مع بداية السنة الدراسية الطالب “تمير” (10 سنوات) يقدم على الانتحار (سقط عن علو) بعد تعرّضه لتنمّر من ابناء صفّه ..
لم يتقبلوه في المجموعة… חרם קבוצתי!
تم اقصاؤه من المجموعة في السنة الماضية وعانى نفسيًا من معاملة زملائه.
ظنّ ان هذه السنة ستكون أفضل لكنّه ومع بداية السنة الدراسيّة وجد ان المجموعة لا تزال على نفس الحال من التنمّر فأقدم على الانتحار.

“تمير، ولد عمره 10 سنين، أول مبيرح وقف على شُرفة منزله، وزت حاله.

آه، إبن صف خامس انتحر.
هاي الحادثة صارت في بلادنا، ومبيرح تم الإعلان عن وفاة تمير.
السبب؟ التنمّر.

تمير مرق كثير مع أولاد وبنات صفّه، من سخرية، لعنف كلامي، لدعوة بإنه محدا يحكي ويتعامل معاه، وما رح أستغرب إذا بعرف إنه كان في تنمّر جسدي.

إلي كسر تمير هو إنه أولاد صفّه عملوا مجموعة واتساب، ما دخلوه فيها طبعًا، وسموها “إحنا منكره تمير”.
ما قدر يتحمّل! بجيل هالقد صغير كان صار مقتنع إنه هو صفر، إنه هو مكروه، وإنه هو ما في إله فايدة بهاذ العالم.

مش عارف كيف أوصف هيك حادثه بكلمة غير: متوقّع.
آه متوقّع. لإنه أنا كمان مرّيت بتنمّر وتعرّضت للإقصاء، للعنف، للسخرية وغيرها من الأمور إلي خلّتني أكثر من مرّة أشعر إنه ما إلي قيمة وأضعف. لهيك بتفهّمه.

في مدارسنا، وشوارعنا، التنمّر موجود – مثل ما هو للأسف موجود بكل العالم – وبعده بنعطى شرعيّة تحت جُمل مثل “إبني أقوى ولد في الصف” وتجاهل من قبل المعلمين والإدارة الي مش عارفين إنه هيك شيء ممكن يأدي لحوادث تراجيديّة.

حاربوا التنمّر في كل مكان،
تخلوش ولد يشعر إنه وحيد ومش مقبول بسبب وزنه أو شكله أو ميوله أو دينه أو إي شيء!

ربّوا على عدم الاستقواء على الغير وعلى تقبّل الآخر،
لإنه الضحايا كثار، حتى لو مش كلهم بوقّفوا على الشرفة وبزتّوا حالهم بشي مرحلة.💔💔” (منقول)

 

 

مقالات ذات صلة

‫6 تعليقات

  1. انا معلمه وكُنت اشوف كيف مربيين الصفوف والمستشاره بالمدرسه يلي كنت اعلم فيها كيف كانو يتجاهلو مثل هؤلاء الاولاظ ومثل تلك الشكاوى حتى اني دخلة العديد من المرات مجدال حاد لعدم علاج مثل تلك الحالات وطبعا انا شخصيا هُدِدت من قبل المُديره اذا تدخلت أكثر سوف تعمل كل ما بوسعها لاخراجي من مدرستها وقد صادفت الميئات من الطلاب على مدار السنين التي علمتها كيف يصنعون عليهم الحثار الاجتماعي …….وطبعا نتيجة رفضي لتصرفات المديره والمستشاره وبعض مربي الصفوت فالمهزله انهم علي قد قامو بحصار اجتماعي رهيب وتهديدات من جميع الاصناف والانواع !!!!اعلموا ان المدراء مجرمين بحق طلابنا ومجتمعنا فانا لم ابعد عنكم كثيرا فكل هذا في محيط المثلث الشمالي .

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق